Etxebizitza paisaiaren pieza abstraktu gisa ageri da, bere hizkuntza garaikidea ezkutatzen ez duen bolumen sinple eta trinko baten bidez: fatxadako material naturalek —kortxozko panelak etxebizitzan, zura garajean— zuhaitz eta belardiekin elkarrizketa lasaia bermatzen duten bitartean, txapa izurtudun teilatuak, berriz, Kantabriako zeruaren aldaketa atmosferikoak islatzen ditu.

Proiektuaren helburua Etxezuri kalearen eta Granada ibaiaren arteko hiri-bisagra bilakatzea da. Eraikina bi bolumenetan zatitzen da, plaza handi bat osatuz eta ia etxebizitza guztietan orientazio bikoitza ahalbidetuz, horrela eguzkia, aireztapena eta Trapagarango bistak optimizatuz.

Eraikinaren energia-ikuskapenean oinarrituta, birgaitze energetikoa hobetzeko aukerak proposatzen dira. Horien artean, fatxadak, estalkiak edota itxiturak birgaitzea, isolamendua jarri, leihoak aldatu, instalazio termikoak hobetu edota energia berriztagarriak erabiltzea daude barne.

Prozesu osoaren kudeaketa integrala egiten dugu, bizilagunei aholku eta laguntza emanez, hasierako plangintzatik abiatuta, aurreikusitako kostuen azterketa ekonomikoaren bidez, eta une bakoitzean dauden diru-laguntzak kudeatuz.

Lursailaren ezaugarri nagusia 1930eko hamarkadan Mugimendu Modernoaren eraginpean berritutako etxetzar zahar bat da, ustez Deogracias Mariano Lastra arkitektoak egindakoa, Kantabrian mota horretako etxebizitza bakanetako izanez. Proiektuak sei etxebizitza ditu eta babestu beharreko eraikinarekin ahalik eta errespetuzkoena izatea du helburu, bi etxebizitza berrirekin zaharberrituz.

70garren hamarkadako etxebizitza bat berritu du proiektuak, egungo estandarren arabera eguneratuz. Aldaketa puntual batzuk proposatzen dira, ahalik eta gutxien jardunez, etxebizitzaren berezko potentziala argituko dutenak: zabaltasun espaziala ematea, argi naturala eta eguzkia optimizatzea, aireztapen naturala bermatzea eta kanpoko bistak erraztea.

Bi aldetara ematen duten etxebizitzak proposatzen dira, guztiek bi fatxada izan ditzaten. Irtenbide horri esker, etxebizitzen baldintza bioklimatikoak optimizatzen dira, aireztapen gurutzatuari eta fatxada bakoitzaren tratamendu bereziari esker, eta, gainera, barneko espazioaren kalitate handia bermatzen da.